لا يا (حبيبي ).. الزمن لا يخليك ..

من طرف بدر البدور السبت مايو 15, 2010 2:17 pm

تعبت اشيل الهم عنك واداريك ..
وانت همومي ثقلها ما يهمك !!

لا يا (حبيبي ).. الزمن لا يخليك ..
تقسى على قلبي وتسقيه سمك !!

"" دنياك "" هذي لا تغير مباديك ..
مهما استطعت الظلم اعدل بحكمك !!

ما هي غريبه من يذمك يماشيك ..
لكن غريبه يمدحك من يذمك !!

ما كل واحد غاب معناه ناسيك ..
بعض البشر ينساك لو كان يمك !!

ادري تعزني .. الله يعز غاليك ..
وان كان لي عندك معزه بضمك !!

في خاطري كم كلمه عن تجافيك ..
وان شفت دمعاتي انزلت .. حط كمك !!

اسمك حبيبي ويا كثرها اساميك ..
وقلبي يفز.. لو جابوا الناس اسمك !!

ليتك تحس بضيقتي يوم احاتيك ..
احرق لك اعصابي .. وما حس دمك !!

غايب بدون اعذار ربي يجازيك ..
عطني سبب مقنع حبيبي .. والمك !!

همك , جنونك , ضحكتك , كل ما فيك ..
صوتك , سكوتك , وارجع اقول همك !!

(( لبيه )) منك غير .. لما اناديك ..
كن الكلام العذب .. مرساة فمك !!

مهما غلوك قلوب ناس حواليك ..
اغليك اكثر منهم بس .. لعلمك !!

ابوك , خالك , اختك , اخوك , وماضيك ..
ربعك , جميع الناس وعيال عمك !!

شايف غلاهم لك .. اكثر انا اغليك ..
واللي وصل ( نص الغلا ) يمكن امك !!

من طرف شيخة البنات السبت مايو 22, 2010 2:18 pm

رووووووووعة ونتمنى اكثر

لا يا (حبيبي ).. الزمن لا يخليك ..

لا يا (حبيبي ).. الزمن لا يخليك ..

رد: لا يا (حبيبي ).. الزمن لا يخليك ..