نهيت القلب لكنه عصاني

من طرف بدر البدور الإثنين يوليو 19, 2010 11:50 am

تعاتبني على غلطة زماني

= وانا مابي من الحسره كفاني

تعاتبني وانا ويش في يديني

= نهيت القلب لكنه عصاني

معي لك قصة الحب الحقيقي

= غرامٍ بيننا مات بثواني

وفا بس الوفاء صعب المناله

= غدى بعض الوفاء وهم واماني

زمان الصمت يا وقت العجايب

= كفاني ما جرا منك كفاني

مصير اللي بعيد الدار يرجع

= ومصير اللي يغيب يعود ثاني

سنين عايشه باحضان ذكراه

= نسيت الحب لكن ما نساني

انا مابي عتاب ولا ملامـه

= اريدِ اودعك وارجع مكاني

سراب الوهم ما يغري عيوني

= خلاص اليوم ابـي باقي حناني

واعود مثل ما قد جيت يمك

= ادور في بحر عمري مواني