ما قلـــت ابيـــك الا وانا فعــــلا ابيك ...!!

من طرف مناير الخميس مايو 20, 2010 2:20 pm

:: ماقلـــت ابيـــك الا وانا فعــــلا ابيك ...!!

لا واللــــذي ســــــوى عيــونك وســـواك
...............ماقلـــت ابيـــك الا وانا فعــــلا ابيك ...!!

الحب مايوخذ سوالف و خذ ... هاك
...............الحب يقطـــــع عــــرق عينـك ويعميــــك

يدكنـــــي فــي تالــي الليــــــــــل دكــــاك
...............وإذا سألنـــي عنك قلبــــي ازكيـــــك

اموت بك ... اعشق ترابك ... وماطـــاك
...............ومالاح صـبح إلا وانا انـوح وابكيـك ...!

كني ملكت الكــــون إذا تضحـــك شفـــاك
...............تفـــداك روح اللـــي علــى النفس يغليـك

اهواك ... تدري ويش تعني لي اهواك ...؟!
...............اهــــواك معناهـــا انا ميتٍ فيـك ...!

لو ربــع ماجـــاني من الشوق قـد جـــاك
...............وربـــي الكــــريم ان ماتشيلك مــــواطيك

ان قالــه الله والهـــــوى الشين وراك...!
...............واللـــــه إن تارد برد عشقــــــي وادفيــك

تدري أنا أكـــــبر أمــــل عندي رضـــــاك
...............خـــذ كل ماتبغي ... على شـــرط يرضيك

سبحــــان من كب البهاء فيك واعطــــاك
...............عســـــى عيــونٍ شـــافت الــزين تخطيك

ياحلــو هم العشـــــق ... ويازين بلــواك
...............وماصـــابنـــــي من غــم عســـاه يخطيك

قـويت كــــل الناس وعجـــــزت لقــــواك
...............ياكـــــثر ضعفـــــك ... بس ياقـــوةٍ فيـك