وتقوم تورد لي طواريق الفتن من كل بـاب

كانت اذا جا العيد جتني والزمن بالوصل طاب
تعايد عيونـي وانـا اعايـد نهـاراً جابهـا

وتقوم تورد لي طواريق الفتن من كل بـاب
وتفتن عيوني في حلاوتهـا وزيـن ثيابهـا

وتمد لكفوفي كفوفاً زانها نقـش الخضـاب
وانا .. اتنعّم بالدفا وانسى نقوش خضابهـا

راحت بها الدنيا وصافي الجو غطاه الضباب
واصبحت في حالً عسى الأصحاب ماتبلابها

لغيابها حسره .. وانا قلبي مكدره الغياب
الله لايسقي نهـاراً حـلّ فيـه غيابهـا